ننکانہ صاحب(این این آئی)تھانہ صدر کی حدود میں واقع گاوں چک نمبر112 علی آباد میں چاند نامی نوجوان جو اپنے گھر میں موجود تھا کہ نامعلوم افراد نے کال کر کے گھر کے باہر آنے کو کہا جیسے ہی چاند نامی نوجوان گھر سے باہر نکلا نامعلوم افراد نے فائرنگ کردی فائرنگ سے نوجوان موقع پر ہی جاں بحق ہو گیا واقعہ کی اطلاع ملتے ہی تھانہ صدر سانگلہ ہل کے ایس ایچ او بھاری نفری کے ہمراہ موقع پر پہنچ گئے اور لاش کو قبضے میں لے کر پوسٹ مارٹم رپورٹ کے لیے ٹی ایچ کیو ہسپتال سانگلہ ہل منتقل کردیا نوجوان کی عمر تقریبا 20 سال بتائی جارہی ہے لیکن نامعلوم افراد کی طرف سے نوجوان کوقتل کرنے کی وجوہات سامنے نہیں آسکیں۔