اسلام آباد (این این آئی)جج ہمایوں دلاور کی اسلام آباد میں بطور اسپیشل جج سینٹرل ٹو تعیناتی کا نوٹیفکیشن جاری کردیا گیا۔نوٹیفکیشن کے مطابق جج ہمایوں دلاور کو 3 سال کیلئے اسپیشل جج سینٹرل تعینات کیا گیا ہے۔نوٹیفکیشن میں کہا گیا کہ جج ہمایوں دلاور جوڈیشل کمپلیکس اسلام آباد میں بطور اسپیشل جج سینٹرل ٹو فرائض انجام دیں گے۔

ذرائع کے مطابق اسپیشل جج سینٹرل ٹو کے لیے کمرہ عدالت جوڈیشل کمپلیکس میں تیار ہے۔جج ہمایوں دلاور وفاقی تحقیقاتی ادارے (ایف آئی اے)اور سائبر کرائمز سے متعلق کیسز کی سماعت کریں گے۔