کوٹ مومن ( این این آئی)کوٹ مومن میں بارات لے کر آنے والے نوجوان کو دلہن کے بھائیوں نے فائرنگ کرکے قتل کردیا۔پولیس کے مطابق کوٹ مومن میں دلہن کے 2 بھائیوں نے بارات لے کر آنے والے دولہا کو قتل کردیا جبکہ فائرنگ سے باراتی بھی زخمی ہوئے ہیں۔

پولیس ذرائع کے مطابق دلہن کے 2 بھائی شادی پر راضی نہ تھے، ملزمان نے پہلے نکاح خواں کو روکا پھر دولہا عدنان پر فائرنگ کردی، واقعے میں دولہا جاں بحق ہوگیا۔پولیس کا کہنا ہے کہ مدینہ کالونی کے عمران اور عرفان نے دولہا پر فائرنگ کی جن کی گرفتاری کیلئے کوششیں شروع کردی ہیں۔