حیدر آباد (این این آئی)حیدرآباد کے علاقے نسیم نگر کے ایک گھر میں 12 سالہ گھریلو ملازم کی پراسرار ہلاکت کا معاملہ سامنے آنے کے بعد پولیس نے تحقیقات شروع کر دیں۔پولیس کے مطابق 12 سال کا لڑکا 3 سال سے نسیم نگر کے ایک گھرمیں کام کر رہا تھا، گھر کے مالک برکت نے بچے کے والدین کو اطلاع دی کہ آپ کے بیٹے نے خودکشی کر لی ہے۔
پولیس کے مطابق والدین کو اطلاع دینے کے بعد گھر کا مالک میہڑ پہنچا بچے کی لاش ورثا کے حوالے کرکے روانہ ہوگیا۔ والدین کے شبہ پر پولیس نے مالک مکان کے گھر چھاپہ مارا تاہم مالک مکان گھر پر تالا لگا کر پہلے ہی فرار ہو چکا تھا۔پولیس کے مطابق بچے کی لاش کا پوسٹ مارٹم کرایا جا رہا ہے اور واقعے کی ہر پہلو سے تحقیقات جاری ہیں۔
