لاہور( این این آئی )سابق وزیراعظم اور پاکستان مسلم لیگ (ن) کے صدر شہباز شریف سے ضلع مظفر گڑھ سے سابق رکن پنجاب اسمبلی سردار چنوں خان لغاری نے ملاقات کر کے شمولیت کا اعلان کر دیا ۔شہباز شریف نے پاکستان مسلم لیگ (ن) میں شمولیت پر سردار چنوں خان لغاری کو خوش آمدید کہا اور مبارک دی ۔
شہباز شریف نے کہا کہ پاکستان مسلم لیگ (ن) عوام کی خدمت کے لئے تاریخی کردار ادا کرے گی، آپ سب کے تعاون سے پاکستان اور عوام کو معاشی تکالیف سے نجات دلانی ہے۔اس موقع پر پاکستان مسلم لیگ (ن) پنجاب کے صدر رانا ثنا اللہ، سردار اویس خان لغاری اور عطا اللہ تارڑ بھی موجود تھے۔
