کراچی(این این آئی) غیر قانونی طور پر مقیم غیر ملکی شہریوں کا انخلا میں کراچی سے چمن بارڈر بھیجا گیا افغان شہری واپس شہر قائد پہنچ گیا۔چمن باڈر سے واپس آنے والے افغان شہری سلیم کا ویڈیو بیان بھی منظرعام پر آگیا جس میں افغان شہری نے کہاکہ وہ چمن سے کوئٹہ پہنچا اور پھر حب چوکی آیا۔

دوسری جانب پولیس حکام نے بتایا کہ چمن بارڈر سے واپس آنے والے افغان شہری کو تحویل میں لے لیا ہے جسے واپس بھیجا جائے گا۔پولیس حکام نے بتایا کہ افغان شہری کے واپس آنے سے متعلق تحقیقات کر رہے ہیں۔