جیکب آباد (این این آئی) جیکب آباد میں غیرت کے نام پر سسر کے ہاتھوں بہو اور نوجوان قتل۔ تفصیلات کے مطابق جیکب آباد کے قریب بقا محمد تھانہ کی حدود گاؤں آچر جکھرانی میں غیرت کے نام پر خاتون سمیت دو افراد کو قتل کردیا گیا، حدود کی پولیس کے مطابق ملزم محمد عمر جکھرانی نے غیرت کے نام پر فائرنگ کرکے اپنی بہو شریفاں اور نوجوان دلشاد جکھرانی کو قتل کردیا گیا اور فرار ہوگیا، پولیس نے پہنچ کر لاشوں کو اپنی تحویل میں لیکر میں سول اسپتال منتقل کیا جہاں ضروری کاروائی کے بعد لاشیں ورثہ کے حوالے کردی۔ تاہم آخری اطلاعات تک ملزم گرفتار ہوسکا اور نہ واقعہ کا مقدمہ درج ہوسکا تھا۔