ملزم خاتون سے شادی کا خواہشمند تھا، متاثرہ خاتون کے شادی سے انکار کرنے پر ملزم نے تیزاب پھینکا
وہاڑی (این این آئی)وہاڑی 9-11 ڈبلیو بی میں ایک شخص نے خاتون پر تیزاب پھینک دیا۔پولیس کے مطابق خاتون تیزاب سے جھلس گئی ،متاثرہ خاتون کے پاس سے گزرنے والے دو بچے بھی تیزاب کی زد میں آ گئے۔پولیس کے مطابق خاتون اور دونوں بچوں کو ہسپتال منتقل کر دیا گیا ہے۔مقامی پولیس کے مطابق ملزم خاتون سے شادی کا خواہشمند تھا، متاثرہ خاتون کے شادی سے انکار کرنے پر ملزم نے تیزاب پھینکا۔پولیس کے مطابق واقعے کے بعد شہریوں نے ملزم کو تشدد کر کے زخمی کر دیا۔پولیس کے مطابق ملزم کو گرفتار کر کے کارروائی شروع کر دی گئی ہے۔