لندن (این این آئی )رہنما مسلم لیگ( ن)، سوشل میڈیا ایکٹویسٹ اور آزاد کشمیر کی سیاست میں ابھرتا ہوا ستارہ راجہ محمد ثاقب خان نے قائد پاکستان مسلم لیگ ن میاں محمد نواز شریف سے لندن میں ملاقات کی۔ملاقات میں گفتگو کرتے ہوئے راجہ محمدثاقب نے کہاکہ نواز شریف پاکستان کی سیاست کا محور ہیں،ہمیشہ کی طرح اس بار بھی پاکستان کو تمام تر بہرانوں سے باہر نکالیں گے۔
انہوںنے کہاکہ قوم نواز شریف کے ساتھ کھڑی ہے ۔اس موقع پرانہوں نے مسلم لیگ ن یوتھ ونگ کو آزاد کشمیر میں مزید فعال کرنے پر بھی بات چیت کی۔نواز شریف نے کہاکہ آپ جیسے پڑھے لکھے نوجوان ہی مسلم لیگ ن کا قیمتی اثاثہ ہیں۔
