اسلام آباد (مانیٹرنگ ڈیسک )آج اتوار کے روز ملک کے بیشترمیدانی علاقوں میں موسم گرم اورخشک جبکہ بالائی علاقوں میں مطلع جزوی رہنے کے ساتھ بالائی خیبر پختونخوا،خطہ ٔپوٹھوہار،کشمیراورگللگت بلتستان میں تیزہواؤں/آندھی اورگرج چمک کے ساتھ ہلکی بارش کا امکان ظاہر کیا گیا ہے۔محکمہ موسمیات کی رپورٹ کے مطابق پیر کے روز ملک کے بیشتر میدانی علاقوں میں۔موسم گرم اورخشک جبکہ گلگت بلتستان ،کشمیراوراس سے ملحقہ پہاڑی علاقو ں میں تیز ہواؤں اور گرج چمک کے ساتھ ہلکی بارش کا امکان رہنے کا امکان ہے ۔ دوسری جانب آج بروز اتوار شہر قائد کا موسم آج بھی گرم اور خشک

رہے گا جبکہ درجہ حرارت 38 سے 39 دگری تک جانے کا امکان ہے۔محکمہ موسمیات کے مطابق سورج آج بھی کراچی والوں پر آگ برسائے گا، شمال مغربی سمت سے ہوائیں 6 کلو میٹر فی گھنٹہ کی رفتار سے چل رہی ہیں۔محکمہ موسمیات کا کہنا ہے کہ کراچی میں آج بھی موسم گرم اور خشک رہے گا جبکہ درجہ حرارت 38 سے 39 ڈگری تک جانے کا امکان ہے۔محکمہ موسمیات کے مطابق شہر میں آج شام سے تیز ہوائیں چلنے کا امکان ہے۔گذشتہ 24 گھنٹے کا موسم ملک کے بیشتر علاقوں میں موسم خشک جبکہ سندھ اور جنوبی بلوچستان میں گرم رہا۔تاہم خیبر پختو نخوا:کالام ، مالم جبہ 03، پشاور (سٹی 01)،بیشام ، بونیر ، کاکول 01،کشمیر:راولاکوٹ 02، پنجاب :مری میں 02ملی میٹر بارش ریکارڈ کی گئی۔گزشتہ روزریکارڈ کیے گئے زیادہ سے زیادہ درجہ حرارت: چھور43، دادو، لاڑکانہ، میر پور خاص، موہنجوداڑو، سکھر،شہید بینظیر آباد اور پڈعیدن میں 41 ڈگری سینٹی گریڈریکارڈ کیا گیا۔