اسلام آباد (آن لائن)پاکستان پیپلز پارٹی نے الیکشن کمیشن بارے وزیراعظم کے غیر زمہ دارانہ بیان پر شدید تحفظات کا اظہار کیا ہے پیپلز پارٹی کے سیکرٹری جنرل سید نیر حسین بخاری نے ردعمل میں کہا ہے کہ وزیراعظم عمران خان کا بیان آئینی ادارے پر دبائو ڈالنا تھا وزیراعظم کا بیان قابل تشویش ہے۔ نیر بخاری نے کہا کہ پیپلز پارٹی الیکشن کمیشن کے جرئتمندانہ ردعمل کا خیرمقدم کرتی ہے آئین پاکستان کا جمہوری تحفہ دینے والی جماعت پیپلز پارٹی نے ہمیشہ اداروں کی مضبوطی کی بات کی ہے اور اداروں کی تعمیر تکریماور توقیر کیلئے اقدامات اٹھائے ہیں
نیر بخآری نے مزید کہا کہ عمران خان نے شکست تسلیم کرنے کی بجائے آئینی ادارے کے کردار پر سوالیہ نشان اٹھایا عمران خان میں شکست تسلیم کرنے کی جرات اور صلاحیت ہونی چاہئے اداروں کو متنازعہ بنانا انتہائی غیر زمہ دارانہ فعل ہے نیر بخاری نے کہا کہ الیکشن کمیشن کے بیان کے بعد وزیراعظم باضاطہ طور پر معافی مانگیں آئینی ادارے الیکشن کمیشن پر الزامات وزیراعظم کے عہدے کے شایان شان نہیں عمران اپنی نہ سہی وزیراعظم کے عہدے کا خیال کر لیا کریں۔
