اسلام آباد(مانیٹرنگ ڈیسک)مشہور سیاحتی مقام پتریاٹہ چیئر لفٹ ٹاپ پر سیاح کو گولی مار کر قتل کر دیا گیا۔میڈیا رپورٹس کے مطابق مری میں قتل کا ایک ایسا واقعہ پیش آیا جس نے سیاحوں کے دل دہلا دئیے ہیں۔مری پتریاٹہ چئیر لفٹ ٹاپ پر سیاح کو بے دردی سے قتل کر دیا گیا۔35 سالہ سیاح محمد عباس ولد صفدر علی کا تعلق راولپنڈی کے علاقہ شکریال سے بتایاجاتا ہے۔مقتول سیاح ٹاپ پتریاٹہ کے جنگل میں بے رحم گولی کا نشانہ بنا۔مبینہ طور پر سیاح کو لوٹنے کی غرض سے مزاحمت پر گولی ماری گئی۔ریسکیو 1122 نے لاش کو تحصیل ہیڈ
کوارٹر اسپتال مری منتقل کر دیا ۔ پولیس تفتیش میں مصروف ہے۔واقعے کا مختلف پہلوئوں سے جائزہ لیا جا رہا ہے۔ابھی تک کوئی گرفتاری عمل میں نہیں آسکی ۔
