اسلام آباد(مانیٹرنگ ڈیسک /این این آئی)مرحومہ بے نظیر بھٹو کی ارینج میرج ہوئی جبکہ ان کی بیٹی بختاور کے حوالے سےمعروف اینکر پرسن پرنس علی حیدر نے حیران کن دعوی کر دیا ،بختاور بھٹو زرداری کی منگی کی تقریب سادہ تھی ، کچھ مہمانوں کو مدعو کیا گیا ،سیاسی لوگ نہ ہونے کے برابر تھے ۔ پرنس علی کا کہنا تھا کہ بختاور بھٹو نے کہا ہے کہمحمود چودھری ایک سلجھے ہوئے ، مذہبی اور احساس کرنے والے انسان ہیں۔ اینکر پرسن کا کہنا تھا کہ محمود چودھری شکل و صورت سے اچھے انسان ہیں ، بختاوربھٹو نے پسندیدگی کا اظہار کیا

جبکہ انہوں نے تمام تر ذمہ داریاں اپنے والد پر چھوڑ دیں تھی کہ حتمی فیصلہ آپ ہی نے کرنا ہے جس کے بعد سابق صدر نے تحقیقات شروع کیں، وہ انہیں پہلے سے بھی جانتے تھے لیکن جب تحقیق مکمل ہوئی تو انہیں بختاور کا انتخاب صحیح لگا جس کے بعدآصف علی زرداری نے رضامندی کا اظہار کیا ۔ واضح رہے کہ پاکستان پیپلز پارٹی کے شریک چیئرمین و سابق صدر آصف علی زرداری کی صاحبزادی بختاور بھٹو کی منگنی ہوگئی ہے۔بختاور اور محمود چودھری نے ایک دوسرے کو انگوٹھی پہنائی، تقریب میں 100 سے 150 افراد شریک ہوئے۔سابق صدر آصف علی زرداری بھی تقریب میں شریک ہوئے، ڈاکٹروں کے مشورے سے آصفزرداری ہسپتال سے تقریب میں شرکت کے لیے گھر پہنچے تھے۔تقریب میں شریک محمود چودھری کے اہلخانہ کا وفد 12 سے15 افراد پر مشتمل تھا۔تقریب میں بحریہ ٹاؤن کے ملک ریاض حسین، فاروق ایچ نائیک بھی شریک ہوئے۔اس موقع پر سینیٹر شیری رحمان، انور مجید سمیت دیگر شخصیات بھی بلاول ہاوس میں موجود تھیں۔