کراچی (این این آئی) بلاول ہائوس میں طویل عرصے بعد خوشیوں کا سماں، بختاور بھٹو کی منگنی انتہائی محدود ہوگی۔ پاکستان پیپلز پارٹی کے چیئرمین بلاول بھٹو زرداری کی بہن اور سابق صدر آصف علی زرداری کی بڑی بیٹی بختاور بھٹو کی

منگنی تقریب میں صرف 50سے 80مہمان شریک ہونگے۔ بختاور کی منگنی میں وزرا اور مشیران بھی شریک نہیں ہونگے۔ ایم پی ایز اور ایم این ایز کو بھی منگنی دعوت میں مدعو نہیں کیا گیا ہے۔ منگنی کی تقریب میں خاندان کے افراد ، اور چند قریبی شریک ہونگے۔ بختاور اور آصفہ بھٹو زرداری نے اپنی چند قریبی سہیلیوں کو دعوت میں مدعو کیا ہے۔تقریب میں دولہے کے مہمان بھی محدود تعداد میں شرکت کرینگے۔ایک جانب پیپلز پارٹی سمیت پی ڈی ایم کی قیادت بڑھتے ہوئے کورونا کیسز کے باوجو جلسوں کے لئے بضد ہے اور تو دوسری جانب پی ڈی ایم کی اہم جماعت پیپلز پارٹی نے بختاور بھٹو کی منگنی تقریب کو انتہائی محدود کر دیا ہے۔