اسلام آباد(مانیٹرنگ ڈیسک)معروف عالم دین علامہ طالب جوہری انتقال کرگئے،نجی ٹی وی کے مطابق وہ کئی روز سے کراچی کے نجی ہسپتال کے انتہائی نگہداشت یونٹ میں زیرعلاج تھے۔علامہ طالب جوہری 27 اگست 1939 کو پیدا ہوئے۔ ان کے والد مشہور عالم دین علامہ مصطفیٰ خاں جوہر تھے۔ علامہ طالب جوہری کو کئی برسوں سے پاکستانی علماء میں مرکزی حیثیت حاصل تھی۔ کراچی کے

نشتر پارک میں شام غریباں کی مجلس سے ان کی شہرت پاکستان اور پاکستان سے باہر دنیا بھر میں پھیل گئی۔ اس مجلس کے سامعین میں مسلمانوں کے تمام طبقہ ہائے فکر شامل تھے۔ انہوں نے کئی کتابیں لکھیں جن میں قرآن کی تفسیر اور شاعری بھی کی۔ ان کی شاعری کے تین مجموعے شائع ہو چکے ہیں۔ان کے انتقال پر سیاسی،مذہبی و سماجی شخصیات نے گہرے افسوس کا اظہار کیا۔