لاہور(این این آئی)مسلم لیگ(ن) پنجاب کی سیکرٹری اطلاعات عظمیٰ بخاری نے کہا ہے کہ ایک کروڑ نوکریوں اور پچاس لاکھ گھروں کا وژن لنگر خانوں اور کٹے مرغیوں پر آکے ختم ہو گیا ہے،فیاض چوہان صاحب عثمان بزدار کیا آپ کے نئے آقا عمران نیازی بھی شہبازشریف کا مقابلہ نہیں کرسکتے،شہبازشریف نے پنجاب کے عوام کو میٹرو بسیں،سڑکیں،تعلیمی ادارے اور نئے ہسپتال دئیے،نوجوانوں کو لیپ ٹاپ اور کسانوں کو 100ارب کے پیکج دئیے

جبکہ عمرا ن نیازی نے 6لاکھ لوگ بے روگاز کیے اور ہزاروں صنعتیں بند کردی۔اپنے بیان میں انہوں نے کہا کہ عثمان بزدار نے پنجاب کو مہنگائی،بیروزگاری اور غربت کے سوا کچھ نہیں دیا۔عثمان بزدار کاغذوں میں پنجاب کے وزیراعلیٰ ضرور ہیں لیکن حقیقی معنوں میں جہانگیرترین اور چوہدری سرور ہی وزیراعلیٰ ہیں۔عثمان بزدار کا بطور وزیر اعلیٰ ایک بھی آفس نہیں،وزیراعلیٰ آفس اب گورنر ہاؤس،ملتان،لودھراں اور پنجاب اسمبلی سپیکر چیمبر میں شفٹ ہوچکے ہیں۔