اسلام آباد (نیوز ڈ یسک) بھارت کے سابق اوپنر شیکھر دھون نے اپنی دوست صوفی شائن کے ساتھ دوسری شادی کر لی ہے۔
اس خوشخبری سے مداحوں کو اس وقت آگاہی ہوئی جب بھارتی اسپنر یزویندر چہل نے انسٹاگرام پر شادی کی تصاویر شیئر کیں۔رپورٹس کے مطابق شادی کی تقریب دہلی این سی آر میں سادہ مگر خصوصی انداز میں منعقد ہوئی، جس میں قریبی رشتہ داروں اور دوستوں نے شرکت کی۔ چہل نے تصاویر کے ساتھ خوشی کا اظہار کرتے ہوئے لکھا کہ “میرے دوست کی شادی ہے”، جس کے بعد سوشل میڈیا پر مبارکبادوں کا سلسلہ شروع ہوگیا۔تقریبِ نکاح سے پہلے ہلدی اور سنگیت کی تقریبات بھی منعقد ہوئیں جن کی جھلکیاں خود دھون نے اپنے سوشل میڈیا اکاؤنٹ پر شیئر کی تھیں۔ اطلاعات کے مطابق دھون اور صوفی 2025 سے ایک دوسرے کو جانتے تھے اور جنوری 2026 میں دونوں نے منگنی کی تصدیق کی تھی۔
آئرلینڈ میں پیدا ہونے والی صوفی شائن پیشے کے اعتبار سے پروڈکٹ کنسلٹنٹ ہیں اور اس وقت Northern Trust Corporation میں ابوظہبی کے دفتر میں نائب صدر کے عہدے پر خدمات انجام دے رہی ہیں۔ انہوں نے Limerick Institute of Technology سے مارکیٹنگ اور مینجمنٹ کی تعلیم حاصل کی۔یاد رہے کہ دھون کی پہلی شادی عائشہ مکھرجی سے ہوئی تھی جو 2023 میں ختم ہوگئی تھی۔ اس شادی سے ان کا ایک بیٹا بھی ہے۔
View this post on Instagram
