ہرنائی(آن لائن)جمعیت علماء اسلام کے صوبائی ڈپٹی جنرل سیکرٹری وضلعی امیر مولاناعبدالخالق صدیقی ، جنرل سیکرٹری مفتی مطیع الرسول مولوی عبدالغنی، ضلعی ترجمان مفتی عبدالصمدساعد ، حاجی عبدالرحیم دومڑ، مولوی روح اللہ مظہری حافظ شمس الدین ، فاضل خان ترین مولوی عبدالظاہر ودیگر نے کہاہے کہ عمران خان کی تقریر اچھی ہویابری بہرحال وہ آزادی مارچ کی دباؤ کانتیجہ ہے، عمران خان کہتاکچھ اور کرتاکچھ اورہے ایک طرف سے ناموس رسالت کی بات کی گئی تو
دوسری طرف گستاخء رسول کے مرتکبین کو سرکاری پروٹوکول کے ذریعے رہائی دلوائی جارہی ہے آسیہ ملعونہ کے بعد ایک اور سزائے موت کے منتظرملزم کو بھی رہاکیاگیاہے، کشمیرکے لئے تقریریں نہیں عملی اقدامات درکارہیں، کشمیرکمیٹی کے سابق چئرمین مولانافضل الرحمن پر انگلیاں اٹھانے والوں کو آج تک کشمیر کمیٹی کے چیرمین کانام نہیں آتا،پاکستان کے سیاسی ومعاشی حالات بدترہوتے جارہے ہیں، سوچنے کی بات یہ ہے کہ عمران خان کی تقریر پر تالیاں بجانے اورداد تحسین کے ڈونگرے برسانے والے بجلی اورگیس کے بل ادانہ کرپائے توانہیں چیخنے چلانے سے کون روک پائے گا؟ تقریروں سے بھوکے کا پیٹ نہیں بھرسکتا اس لئے عملی اقدامات کی ضرورت ہے ، بھارت کی طرف سے جارحیت میں مزید اضافے کے بعد پیداہونیبوالے حالات کامقابلہ مثبت حکمت عملی سیکرناچاہئے، معلوم ہوتاکہ عمران خون کی تقریر سے بھارتی کی طرف سے دھشت گردی کو بڑھادیاجائیگا، مولانامحمدحنیف کی شہادت کوئی معمولی واقعہ نہیں اس واقعے سے حکومت اوراپوزیشن کی ایک اہم جماعت میں مزید غلط فہمیاں پیداہونگی، یہ واقعہ پاکستان کی پرامن دینی قوتوں کو بھڑکانے کی کوشش ہے، قومی اسمبلی کے ڈپٹی اسپیکر قاسم سوری کے سیٹ پر تبصرہ کرتے ہوئے ضلعی ترجمان کاکہناتھاکہ ہمیشہ ایکسپج ایکسپنچ کرتے کرتے قاسم سوری خود ایکسپنج ہوگئے،
ڈپٹی اسپیکر قومی اسمبلی کے “مائنس ون ” ہونے سے ” مائنس آل ” کادروازہ کھل چکاہے اور یہ آزادی مارچ کا پہلاغیرسرکاری نتیجہ ہے، آنے والے جمعرات کو پورے شہر میں انصارالاسلام کی ریلی جبکہ 4 اکتوبربروزجمعہ تحفظ ختم نبوت کانفرنس ہوگی انہوں نے کہاکہ کانفرنس کی تمام تیاریاں مکمل ہوچکی ہے شہر ہرچم نبوی اور ختم نبوت پیناپلیکس بورڈز سے مزین ہوچکاہے، مرکزی وصوبائی قائدین کے استقبال کے لئے تاریخی جلوس نکالاجائے گا تمام اھلیان ہرنائی سے ایک بار پھر اپیل ہے کہ ملک میں جاری مہنگائی‘ بے روزگاری‘ بدامنی‘ ناموس رسالت اور عقیدہ ختم نبوت کی تحفظ کے لئے تمام تعصبات سے بالاترہوکر کانفرنس میں شرکت کریں۔
