اسلام آباد (مانیٹرنگ ڈیسک) مفتی زر ولی کا شمار مولانا فضل الرحمان کے اچھے دوستوں میں ہوتا ہے، اس کے باوجود انہوں نے وزیراعظم عمران خان کے متعلق بات کرتے ہوئے کہا کہ یہ ایک دو مولویوں کی بات نہیں پورا عالم اسلام عمران خان کے موقف پر اس کے ساتھ کھڑا ہے، انہوں نے کہا کہ اگر مجھے موقع ملا تو میں مولانا فضل الرحمان سے کہوں گا کہ یہ جو مقبوضہ کشمیر کو منوانے اور چھڑانے کے لیے دربدر کی خاک چھان رہا ہے اسے معاف کر دیں۔ انہوں نے کہا کہ کوئی شک نہیں کہ

پاکستان کی 72 سالہ تاریخ میں مقبوضہ کشمیر کے حوالے سے کسی غیرت مند انسان نے ایسی بازی نہیں لگائی جو عمران خان نے لگائی ہے یہ بات ماننی چاہیے، حق کو حق کہنا حق پرستوں کا طریقہ ہے، عمران خان کبھی دن بھر اور کبھی رات بھر کبھی ایک بادشاہ اور کبھی دوسرے کی منت کرتا ہے کہ ہمارے بھائی کشمیر میں گھرے ہوئے ہیں، عمران خان لوگوں کی منت سماجت کرتا ہے اللہ تعالی مولانا کے دل پر بھی رحمت نازل کرے، مفتی زر ولی نے کہا کہ میں عمران خان کو اس کے گھر لے جاؤں گا۔