اسلام آباد (این این آئی)پاکستان پیپلزپارٹی کی رہنما شیری رحمان نے کہا ہے کہ عمران خان کو اپنی تقریر کا آغاز اور اختتام مسئلہ کشمیر پر کرنا چاہیے تھا۔ایک انٹرویوکے دور ان شیری رحمن نے کہاکہ ہمیں اس مسئلے کو اجاگر کرتے رہنے چاہیے اور انسانی حقوق کے لیے کام کرنے والے
اداروں کو بھی اس میں شامل کرنا چاہیے۔انہوں نے کہا کہ پاکستان کو اس وقت حق خود ارادیت پر توجہ دینی چاہیے اور اقوام متحدہ میں بھی اسی مسئلے کو اٹھانا چاہیے تھا۔شیری رحمان نے کہا کہ پاکستان کو مطالبہ کرنا چاہیے تھا کشمیر میں کلسٹر بموں کا استعمال روکا جائے، ڈاکٹرز اور میڈیا کو کشمیر میں داخل ہونے کی اجازت دی جائے۔انہوںنے کہاکہ جولائی سے خبریں آنا شروع ہوگئی تھیں کہ بھارت کے عزائم ٹھیک نہیں ہیں تاہم پاکستان کی حکومت نے سستی کا مظاہرہ کیا ہے۔حکومت کی کارکردگی پر تبصرہ کرتے ہوئے شیری رحمان نے کہا کہ پی ٹی آئی کسی بھی مسئلے پر آج تک اپوزیشن کو متحدہ نہیں کر سکی۔ اپوزیشن نے بہت ساری چیزیں تحریری طور پر دی ہیں تاہم حکومت این آر او کی طعنے دینا شروع کر دیتی ہے۔
