لاہور (پ ر)وزیراعلیٰ پنجاب سردار عثمان بزدار نے کہا ہے کہ اپوزیشن کی یوم سیاہ کی کال بری طرح ناکام رہی اور عوام نے قومی وسائل لوٹنے والوں سے لاتعلقی کا اظہار کرکے انہیں آئینہ دکھا دیا۔ انہوں نے کہا کہ عوام نے مسترد عناصر کو پھر مسترد کردیا۔ ملک کوکرپشن میں دھکیلنے والوں کا مستقبل تاریک ہے اوراپوزیشن

کی ”پیسہ بچاؤ“ تحریک فلاپ ہوچکی ہے۔یوم سیاہ کی ناکامی کے بعداپوزیشن کو منفی سیاست سے توبہ کرلینی چاہیے۔ انہوں نے کہا کہ وزیراعظم عمران خان کی قیادت سے ملک میں ترقی اورخوشحالی کا سورج طلوع ہوچکا ہے۔ وزیراعظم عمران خان قوم کیلئے نجات دہندہ ہیں۔کرپٹ عناصر کو اپنے کیے کا حساب دینا ہوگا۔

موضوعات:سردار عثمان بزدار