اسلام آباد (نیوز ڈیسک) نجی ٹی وی چینل کے ایک پروگرام کے دوران ڈاکٹر نبیحہ علی خان اور حارث کھوکھر کی ازدواجی زندگی سے متعلق
پیش آنے والے معاملے نے ناظرین کو تشویش میں مبتلا کر دیا تھا، اور اب اسی شو کے وقفے کے دوران ہونے والی مبینہ گفتگو کی آڈیو سوشل میڈیا پر گردش کر رہی ہے، جس نے بحث کو مزید ہوا دے دی ہے۔اس سے پہلے حارث کھوکھر نے میزبان فضا علی پر تنقید کرتے ہوئے کہا تھا کہ صورتحال کچھ یوں محسوس ہو رہی تھی جیسے ڈاکٹر نبیحہ نہیں بلکہ فضا علی ان کی اہلیہ ہوں جنہیں وہ چھوڑ چکے ہوں، اور یہ بھی دعویٰ کیا کہ وہ رو رہی تھیں مگر ان کی آنکھوں سے آنسو نہیں نکل رہے تھے۔وائرل کلپ میں سنا جا سکتا ہے کہ فضا علی کہہ رہی ہیں کہ انہیں بات کرنے کا موقع نہیں دیا جا رہا تھا اور دوسرے لوگ مسلسل گفتگو میں مداخلت کر رہے تھے۔ اسی دوران کسی شخص کی آواز آتی ہے کہ “پہلے ماں کا لقب دیا گیا تھا، اب ساس کا بنا دیا گیا ہے۔” ایک اور آواز کہتی ہے کہ جب رونا شروع ہوا تو کسی نے کہا کہ چلنے دو، اس پر سب سے زیادہ میمز بنیں گی۔فضا علی نے یہ بھی ذکر کیا کہ گزشتہ رمضان میں ہونے والا ایک واقعہ بھی سارا انہی پر ڈال دیا گیا تھا،
جبکہ وہ ایک شخص سے مخاطب ہو کر کہتی ہیں کہ دلچسپ بات یہ ہے کہ ڈاکٹر نبیحہ علی سے ان کی پہلی ملاقات تھی۔ویڈیو منظرعام پر آنے کے بعد سوشل میڈیا صارفین نے پروگرام کے میزبان، مہمانوں اور انتظامیہ کو تنقید کا نشانہ بنانا شروع کر دیا ہے، اور اس معاملے پر تبصروں کا سلسلہ تاحال جاری ہے۔
