لندن (مانیٹرنگ ڈیسک) سابق وزیر خزانہ اسحاق ڈار نے گرفتاری سے بچنے کے لیے ہاتھ پاؤں مارنا شروع کر دیے ہیں، انہوں نے سیاسی پناہ کے حصول کے لیے برطانیہ میں کوششیں تیز کر دی ہیں، ایک نجی ٹی وی چینل کی رپورٹ مطابق سیاسی پناہ کی درخواست کا انٹرویو دینے کے لیے سابق وزیر خزانہ اسحاق ڈار برطانوی ہوم آفس گئے۔ یاد رہے کہ اکتوبر 2018ء میں بھی اسحاق ڈار نےبرطانیہ میں سیاسی پناہ کی درخواست دی تھی۔ انہوں نے اب دوبارہ سیاسی پناہ کے لیے درخواست دائر کی ہے، وزیراعظم کے احتساب کے مشیر شہزاد اکبر نے گزشتہ روز کہا تھا کہ پاکستان اور برطانوی حکومت کے درمیان اسحاق ڈار
کی گرفتاری اور حوالگی کا معاہدہ طے پا چکا ہے، اسحاق ڈار نے گرفتاری سے بچنے کے لیے دوبارہ سیاسی پناہ کی درخواست دی ہے، دوسری جانب احتساب عدالت نے سابق وزیر اسحاق ڈار کیخلاف آمدن سے زائد اثاثہ جات ریفرنس میں مقدمے کا تصدیق شدہ ریکارڈ طلب کر تے ہوئے ملزمان کو کال اپ نوٹسز کا اصل تصدیق شدہ ریکارڈ پیش کرنے کا حکم دیا ہے۔بد ھ کو احتساب عدالت کے جج محمد بشیر نے سماعت کی۔ دور ان سماعت تفتیشی افسر نادر عباس کا بیان مکمل ریکارڈ نہ ہوسکا،آئندہ سماعت پر بھی تفتیشی افسر کا بیان ریکارڈ کیا جائے گا۔ بعد ازاں کیس کی مزید سماعت 26 جون تک ملتوی کر دی گئی۔
