اسلام آباد(نیوز ڈیسک) محکمہ موسمیات نے آنے والے چند دنوں کے دوران ملک کے بیشتر علاقوں میں سرد اور خشک موسم برقرار رہنے کی پیش گوئی جاری کردی ہے۔
محکمہ کے مطابق وفاقی دارالحکومت اسلام آباد میں ٹھنڈ اور خشکی کا سلسلہ جاری رہنے کا امکان ہے، جبکہ مری، گلیات اور ملحقہ علاقوں میں بھی موسم سرد رہنے کی توقع ظاہر کی گئی ہے۔رپورٹ میں بتایا گیا ہے کہ بلوچستان کے بیشتر اضلاع میں سردی کی شدت برقرار رہے گی، جب کہ سندھ کے زیادہ تر حصوں میں موسم خشک رہنے کا امکان ہے۔اسی طرح خیبرپختونخوا کے اکثر اضلاع میں بھی ٹھنڈ برقرار رہنے کی پیش گوئی کی گئی ہے، جبکہ آزاد کشمیر اور گلگت بلتستان میں سرد اور خشک موسم متوقع ہے۔محکمہ موسمیات نے شہریوں کو مشورہ دیا ہے کہ درجۂ حرارت میں کمی کے باعث احتیاطی تدابیر اختیار کریں اور خود کو موسمی اثرات سے محفوظ رکھیں۔
