لاہور (آن لائن) صوبائی دارالحکومت لاہور کے پوش علاقے ڈیفنس میں کاروباری شخصیت شیخ یوسف کے گھر چوری کی بڑی واردات، نامعلوم چور شیخ یوسف کے گھر سے پچیس کروڑ روپے مالیت کے زیورات اور نقدی لے اڑے۔ اطلاع ملنے پر پولیس کی بھاری نفری موقع پر پہنچ گئی،پولیس نے گھر کے سکیورٹی گارڈ اور ملازمین سمیت گھر کے اہل خانہ سے تفتیش شروع کر دی ہے۔ چوری کی واردات کے نتیجے میں پولیس کو

اندراج مقدمہ کے لئے دی گئی درخواست میں کہا گیا ہے کہ اہل خانہ گھر میں موجود تھے مگر جب صبح سویرے انہوں نے اپنا سامان دیکھا ہے تو گھر سے 25 کروڑ روپے مالیت کے زیورات اور نقدی چوری ہو چکے تھے۔ پولیس نے تحقیقات کا آغاز کر دیا ہے۔ پولیس کا کہنا ہے کہ فرانزک ٹیم نے موقع سے شواہد اکٹھے کر لئے ہیں۔ گھر کے ملازمین سے بھی پوچھ گچھ کی جا رہی ہے۔ بہت جلد حقائق سامنے آ جائیں گے۔