اسلام آباد(این این آئی) پاکستان مسلم لیگ (ن )کے رہنما ڈاکٹر طارق فضل چوہدری نے کہاہے کہ پارلیمان کو چلانا، ایجنڈا رکھنا اور متوازی رکھنا حکومت کی ذمہ داری ہے،وزیراعظم اپنی زبان پراگر کنٹرول نہیں رکھ سکتے تو وہ ملک کیسے چلا سکتے ہیں۔ایک انٹرویومیں انہوں نے کہا کہ ایوان اس وقت وہ کام نہیں کررہا جو اس کی ذمہ داری

ہے لیکن اس میں زیادہ قصور حکومت کا ہے، ہمارا نہیں۔انہوں نے کہاکہ اپوزیشن حکومتی غلطیوں اورکمزوریوں پربات کرتی ہے،وزیراعظم اپنی زبان پراگر کنٹرول نہیں رکھ سکتے تو وہ ملک کیسے چلا سکتے ہیں۔طارق فضل چوہدری نے کہا کہ وزیراعظم جو بھی بات کرتے ہیں اس پر تنازع بن جاتا ہے کیونکہ ان کے پاس بڑا عہدہ ہے۔