لاہور ( این این آئی) پاکستان تحریک انصاف کے مرکزی رہنما و سابق سینئر صوبائی وزیر عبدالعلیم خان نے واضح کیا ہے کہ ہم نے حمزہ شہباز کو پبلک اکائونٹس کمیٹی کا چیئرمین بنانے کا وعدہ نہیں کیا ۔ پروڈکشن آرڈر پر پنجاب اسمبلی کے اجلاس میں شرکت کیلئے آمد کے موقع پر صحافیوں سے غیر رسمی گفتگو کرتے ہوئے کہا کہ اسمبلی میں
قائمہ کمیٹیوں کا فعال کردار ہے کیونکہ قائمہ کمیٹیوں نے کام کیا تو پی ٹی آئی اور مستقبل کی حکومت کیلئے بہتر ہو گا ۔عبد العلیم خان نے کہا کہ قائمہ کمیٹیوں کے ذریعے حکومت کی ذمہ داریوں کو بانٹا جاسکتاہے ۔انہوں نے ایک سوال کے جواب میں کہا کہ ہم نے قائد حزب اختلاف حمزہ شہباز کو پی اے سی کا چیئرمین بنانے کا وعدہ نہیں کیا ۔
