اسلام آباد(مانیٹرنگ ڈیسک)دوران نوکری کنٹریکٹ ملازمین کے انتقال کی صورت میں ورثاء کے لیے مالی امداد میں اضافہ۔میڈیا رپورٹس کے مطابق گریڈ ایک سے گریڈ چار کے ملازمین کے خاندان کو 16لاکھ روپے ملیں گے۔جب کہ اس سے قبل یہ رقم چار لاکھ تھی۔اس کے علاوہ گریڈ 5 تا 10 کے ملازمین کے خاندان کو 19لاکھ روپے ملیں گے پہلے یہ رقم 6 لاکھ تھی۔گریڈ 11 تا 15 کے ملازمین کے خاندان کو 22 لاکھ روپے ملیں گے۔پہلے یہ رقم 8لاکھ تھی۔جب کہ گریڈ 16 تا 17 کے

افسران کے خاندان کے لیے 25 لاکھ روپے کر دئیے گئے ہیں جب کہ رقم اس سے قبل 10لاکھ روپے تھی۔گریڈ 18 کے افسران کے خاندانوں کو 34لاکھ روپے ملیں گے۔قبل ازیں یہ رقم 16لاکھ روپے مقرر تھی۔گریڈ 20 اور اس سے اوپر کے کنٹریکٹ افسران کے دوران ملازمت انتقال ہونے پر ان کے خاندانوں کو 40لاکھ روپے امدادی رقم جاری کی جائے گی۔یہ رقم اس سے قبل 20لاکھ روپے مقرر تھی۔حکومت پنجاب کی جانب سے نوٹیفکیشن کردیا گیا ۔