مریدکے(آن لائن)قومی اسمبلی میں ڈپٹی اپوزیشن لیڈر اور مسلم لیگ ن کے مرکزی رہنما رانا تنویر حسین نے کہا ہے کہ وزراء4 کی طرح کچھ دنوں بعد عمران خان بھی کہیں گے ’’ مجھے کیوں نکالا‘‘، عوام کا بھرکس نکالنے کے با وجود وزیر اعظم پوچھتے ہیں کہ ان کا جرم کیا ہے۔ حکومت کی کشتی اپنی ہی غلطیوں کے باعث ڈوب رہی ہے اور اس کے ساتھی چھلانگین ما ر رہے ہیں

لیکن اب پت جھڑ شروع ہو گیا ہے جو بہار کے بعد خزاں کا پیش خیمہ ہے۔ نواحی علاقہ ڈیرہ محمد صالح جامکے بھٹیاں میں15شعبان کے سلسلہ میں چودھری بشارت علی بھٹی کی دعوت پر کیک کاٹنے کی رسم کے موقع پر سابق ایم این اے رانا افضال حسین، چیئر مین بلدیہ مریدکے شیخ شبیر احمد، وائس چیئر مین رانا ماجد نواز، کونسلر سید اعجاز الحسن شیرازی کے ہمراہ میڈیا سے گفتگو کرتے ہوئے انہیں کہا کہ اگر حکومت سے ملک نہیں چلتا تو وہ ہم سے مشورہ کر لے لیکن عمران خان کا غرور اور تکبر ان کی حکومت کے ساتھ ساتھ ملک کو بھی لے ڈوبے گا۔ رانا تنویر حسین نے مزید کہاکہ نالائق حکومت اپنی نالائقی کے بوجھ تلے دب کر دم توڑ جائے گی اور اپنے ووٹروں کو عمر بھر کے لیے پچھتاوا دے جائے گی۔ انہوں نے کہا کہ عمران خان 1992کے ورلڈ کپ کی کامیابی کا کریڈٹ کپتان کو دیتے ہیں لیکن اپنی حکومت کی ناکامی کی ذمہ داری خود لینے کے لیے تیار نہیں ہیں۔ انہوں نے کہا کہ وہ وقت بہت قریب ہے جب عمران خان خود کہیں گے کہ مجھے کیوں نکالا۔ اس موقع پر چودھری اظہر علی بھٹی ایڈووکیٹ، چودھری شاہد رضا بھٹی،چودھری شجر عباس بھٹی، محمد منشاء بھٹی، غلام علی بھٹی، سکندر حیات بھٹی، باؤ ذو الفقار علی بھٹی، ماسٹر محمد انور بھٹی، فرخ عباس بھٹی، قیصر عباس بھٹی، وسیم عباس بھٹی، ناصر عباس بھٹی، فراست علی بھٹی سمیت دیگر اہم شخصیات موجود تھیں۔

موضوعات:رانا تنویر حسین