اسلام آباد(سی پی پی )اسلام آباد سے لاپتہ ہونے والے چینی باشندے کی لاش راولپنڈی کے علاقے سے مل گئی ہے۔تفصیلات کے مطابق اسلام آباد سے لاپتہ ہونے والے چینی باشندے کی لاش راولپنڈی کے علاقے سے مل گئی ہے۔ لی جنگ نیوگ نامی چینی باشندہ 15 اپریل کو سپر مارکیٹ سے لاپتہ ہوا تھا۔چینی باشندے کے دوست نے گزشتہ روز لی جنگ نیوگ کے لاپتہ ہونے کی درخواست تھانہ کوہسار میں درج کرائی تھی۔پولیس کے مطابق چینی باشندہ

گزشتہ ہفتے اسلام آباد پہنچا تھا اور دوائی لینے گھر سے نکلا مگر واپس نہیں آیا، چینی باشندے کی گمشدگی کی رپورٹ اس کے دوست نے درج کروائی تھی۔ پولیس کے مطابق سپر مارکیٹ سے لاپتہ ہونے والے چینی باشندے کی لاش راولپنڈی کے علاقے اقبال ٹائون سے ملی ہے۔پولیس کا بتانا ہے کہ چینی باشندے کے سر پر چوٹیں تھیں اور لاش نالے سے ملی ہے۔ڈی آئی جی آپریشنز کے مطابق چینی باشندے کا ذہنی توازن بھی ٹھیک نہیں تھا، حادثاتی موت بھی ہو سکتی ہے۔