لاہور (آن لائن) وزیراعظم اور ان کی کابینہ کے مستعفی ہونے کے مطالبے کی قرارداد پنجاب اسمبلی میں جمع کروا دی گئی۔ قرارداد مسلم لیگ (ن) کی رکن پنجاب اسمبلی کنول لیاقت ایڈووکیٹ کی جانب سے جمع کرائی گئی۔ قرار داد میں کہا گیا ہے کہ وفاقی وزیر خزانہ اسد عمر کا بجٹ سے پہلے استعفیٰ دینا ملک و قوم کے ساتھ گھناؤنا مزاق ہے۔8 ماہ۔میں ملکی معیشت کا بیڑا غرق کرنے کے بعد وزیر خزانہ کا استعفیٰ پوری کابینہ
کی۔نااہلی اور نالائقی کا منہ بولتا ثبوت ہے۔اسد عمر کے استعفے سے ڈوبی ہوئی معیشت بحال نہیں ہوگی۔وزیراعظم عمران خاں کا استعفی ہی اب قوم کے زخموں پر مرہم رکھ سکتا ہے۔پوری قوم کی نظریں پاکستان مسلم لیگ ن کی طرف پرامیدی سے دیکھ رہی ہیں۔ قرار داد میں مطالبہ کیا گیا ہے کہ قرارداد میں مطالبہ کیا گیا ہے کہ وزیراعظم عمران خاں اپنی نااہلی کو تسلیم کرتے ہوئے اپنی پوری کابینہ سمیت مستعفی ہوں۔
