حکمران جماعت میں اختلافات شدت اختیار کر گئے، وزیراعظم عمران خان کا اسمبلیاں توڑنے پر غور، ملک میں مڈٹرم الیکشن کی تیاریاں، معروف صحافی کے سنسنی خیز انکشافات

اسلام آباد (مانیٹرنگ ڈیسک) حکمران جماعت میں اختلافات شدت اختیار کر گئے، وزیراعظم عمران خان اسمبلیاں توڑنے پر غور اور ملک میں مڈٹرم الیکشن کرانے کی تیاریاں، یہ سنسنی خیز انکشافات معروف صحافی و تجزیہ کار ڈاکٹر شاہد مسعود نے ایک نجی ٹی وی چینل کے پروگرام میں کیے، انہوں نے اس پروگرام میں وزیر اطلاعات فواد چوہدری کو پی ٹی آئی کا موٹو گینگ بھی کہہ دیا۔ انہوں نے کہا کہ عمران خان پارٹی کے اندر جاری پراکسی وار سے پریشان ہیں، جہانگیر ترین اور شاہ محمود قریشی کی لڑائی، اس کو لگا دو اس کو ہٹا دو، عمران خان بہت پریشان ہیں کیونکہ ان کا نعرہ تبدیلی اور انصاف کا کلچر لانے کا ہے، ڈاکٹر شاہدمسعود نے دوران پروگرام کہا کہ وزیراعظم عمران خان اسمبلی توڑنے کا سوچ رہے ہیں، انہوں نے کہا کہ اس بات کی عمران خان جتنی مرضی تردید کریں میں اپنی بات پر قائم ہوں کہ اسمبلیاں توڑنے کے بارے عمران خان کافی عرصے سے سوچ رہے ہیں، پہلے بھی وزیراعظم عمران خان نے کہا کہ کسی بھی وقت مڈٹرم انتخاب ہو سکتے ہیں۔ انہوں نے یہ بھی کہا کہ ن لیگ اور چوہدری برادران کے اس وقت تعلقات بہتر ہیں۔ شہباز شریف اور حمزہ شہباز شریف کے بارے میں انہوں نے کہا کہ ان کی پوزیشن بہتر ہے جبکہ مریم نواز پریشان ہیں۔ اس پروگرام میں ڈاکٹر شاہد مسعود نے وزیراعظم عمران خان ، حکومت اور تمام میڈیا کو چیلنج دیتے ہوئے کہاکہ میں نے جو ستر دن جیل میں گزارے ، اتنے دن جیل میں گزارنے کے بعد کہا گیا کہ میرا ان کمپنیوں سے کوئی تعلق نہیں ہے، اگر ان کمپنیوں کا تعلق مجھ سے نہیں تھا تو پھر ان کمپنیوں کا تعلق کس سے تھا