اسلام آباد (مانیٹرنگ ڈیسک) سابق وزیراعظم میاں نواز شریف کی صاحبزادی مریم نواز نے گزشتہ روز سماجی رابطے کی ویب سائٹ ٹوئٹر پر اپنے والد میاں نواز شریف کی 1970ء کی ایک تصویر شیئر کی جو کہ کینیڈا کے ایک دورے کی تھی، مریم نواز نے یہ تصویر شیئر کی اور ساتھ لکھا کہ دیکھیں مجھے کیا ملا؟ مریم نواز کی جانب سے یہ تصویر شیئر کرنے کی دیر تھی کہ سوشل میڈیا صارفین نے انہیں آڑے ہاتھوں لیا، معروف صحافی جنید سلیم کی جانب سے بھی مریم نواز کو تنقید کا نشانہ بنایا گیا انہوں نے لکھا کہ حیرت ہوتی ہے کہ محترمہ کے پاس 1960ء کے زمانے

کی تصویریں موجود ہیں جو انٹرنیٹ پر ملنا بھی مشکل ہیں لیکن 90 کی دہائی میں خریدی جائیدادوں کی رسیدیں نہیں۔ اس کے بعد تنقید کا ایسا آغاز ہوا کہ تھمنے کا نام ہی نہیں لے رہا۔ ایک خاتون صارف ڈاکٹر سائرہ نے کہا کہ اتنی پرانی تصویریں ہیں، پر رسیدیں نہیں ہیں۔ مسٹر بلوچ نامی صارف نے لکھا کہ اب طبیعت خراب نہیں ہوتی؟ جیل میں تو تین تین اٹیک ہوتے تھے ہر روز بقول آپ کے؟ ایک اور صارف شداد مروت نے لکھا کہ 1970ء کی تصویر مل سکتی ہے مگر اربوں کی جائیدادوں کی ایک رسید بھی نہیں مل سکتی ہے، اس کے بعد انتہائی نازیبا الفاظ بھی استعمال کیے۔