لاہور (آن لائن) شہباز شریف کا نام ای سی ایل سے نکالنے کی درخواست میں کابینہ ڈویڑن اور نیب نے لاہور ہائیکورٹ میں جواب جمع کرا دیا، نیب نے جواب میں کہا ہے شہبازشریف کے ایک بیٹے سلمان شہباز جواب دیئے بغیر ملک سے چلے گئے، شہبازشریف کی فیملی کے
عدم تعاون سے تفتیش میں مشکلات درپیش ہیں لاہور ہائیکورٹ کے جسٹس شہزاد احمد خان اور جسٹس وقاص روف مرزا پر مشتمل بنچ نے کیس کی سماعت کی،عدالت کے روبرو کابینہ ڈویڑن اور نیب نے عدالت میں جواب جمع کرادیا، نیب کی جانب سے جواب میں کہا گیا یے کہ نام نکالنے کی استدعا انصاف کے بنیادی اصولوں کے خلاف ہے،شہبازشریف کے ایک بیٹے سلمان شہباز جواب دیئے بغیر ملک سے چلے گئے، شہباز شریف کی فیملی کے عدم تعاون سے تفتیش میں مشکلات درپیش ہیں، کابینہ ڈویڑن کی جانب سے جواب داخل کراتے ہوئے کہانام ای سی ایل میں شامل کرنے کا معاملہ وزارت داخلہ سے متعلق ہے،کابینہ ڈویڑن کا اس معاملے سے کوئی تعلق نہیں، عدالت نے مزید سماعت انیس مارچ تک ملتوی کرتے ہوئے وکلاء سے جواب طلب کر لیا، شہباز شریف کی جانب سے موقف اختیار کیا گیاکہ آشیانہ ہاؤسنگ سکیم کے کیس میں گرفتاری کے دوران اپنی بے گناہی کے ثبوت دئیے،نیب کی درخواست پر وزارت داخلہ نے نام ای سی ایل میں شامل کردیا،پوتی کی تیمار داری اور دیگر مصروفیات کی بناء پر برطانیہ جانا جاہتا ہوں،عدالت ای سی ایل سے نام نکالنے کا حکم دے۔
