ساہیوال (مانیٹرنگ ڈیسک) والدین کو آنکھوں کے سامنے کھونے کا منظر ننھی ہادیہ کو کسی پل چین نہیں لینے دے رہا، ایک نجی ٹی وی چینل کی رپورٹ کے مطابق ہادیہ کے آنسو رک نہیں پا رہے، وہ مسلسل روئی جا رہی ہے اور کسی سے بھی چپ نہیں ہو پا رہی، زارو قطار روتی ہوئی ننھی ہادیہ کبھی ماں کو پکارتی ہے اور کبھی اپنی بہن اور والد کو
بلاتی ہے۔ معصوم بچی کے رونے کے مناظر دل دہلا رہے ہیں اور بچی کے آنسو حکومت وقت اور پولیس کے اعلیٰ حکام کے لیے سوالیہ نشان ہیں۔پورا معاشرہ مل کر بھی مرہم رکھے تو شاید اس کی مسیحائی نہ ہو پائے، کل ننھی ہادیہ اس حادثے کی وجہ سے سکتے میں تھی لیکن آج وہ اپنے والد ماں اور بہن کو یاد کرکے روئے جا رہی ہے۔
