لاہور( این این آئی)وزارت خزانہ کے ترجمان ڈاکٹر خاقان حسن نجیب نے 23جنوری کو منی بجٹ میں 200ارب روپے کے ٹیکسز عائد کرنے کی افواہوں کی تردید کرتے ہوئے کہا ہے کہ حکومت کے اقدامات سے پیداواری شعبوں میں سرمایہ کاری کو فروغ ملے گا۔نجی ٹی وی سے گفتگو کرتے ہوئے انہوں نے کہا کہ اسے بجٹ کی بجائے سرمایہ کاری و برآمدات پروموشن پیکج کا نام دیا گیا ہے جس سے آٹو موبائل انڈسٹری،

ٹیکسٹائل، لیدر اور گارمنٹس سیکٹرز کو فروغ ملے گا جبکہ غریب طبقے پر کوئی نیا بوجھ نہیں ڈالاجائے گا۔انہوں نے کہا کہ 200 ارب کے نئے ٹیکسز کی افواہوں کی تردید کرتے ہوئے کہا کہ اس سے پیداواری شعبوں میں سرمایہ کاری کو فروغ ملے گا۔ترجمان نے کہا کہ غریب طبقے پر ٹیکسوں کا کوئی نیا بوجھ نہیں ڈالا جائے گا جبکہ بزنس گوشوارے ششماہی بنیاد پر جمع کرانے کی سہولت کااعلان بھی کریں گے۔