اسلام آباد (نیوزڈیسک)پاکستان مسلم لیگ(ن) کے رہنما محمد زبیر نے کہا کہ عمران خان بہت جذباتی آدمی ہیں، اس طرح حکومت نہیں چلتی۔ نجی ٹی وی چینل سے بات کرتے ہوئے ان کا کہنا تھا کہ تحریک انصاف نے اقتدار میں آنے سے پہلے پچاس لاکھ گھروں کی تعمیر کی بات کی، انہوں نے عوام کو روزگار دینے کی بھی بات بھی کی

لیکن کوئی بھی وعدہ پورا نہیں کیا۔رہنما(ن) لیگ نے کہا کہ جے آئی ٹی رپورٹ کو تحریک انصاف نے خود سیاسی بنایا۔پاکستان پیپلز پارٹی کی رہنما شازیہ مری نے کہا پاکستان تحریک انصاف نے بہت سے دعوے کیے لیکن حکومت میں آ کر ہر دعوے کے برعکس کام کیے ہیں۔ان کا کہنا تھا کہ کہاں ہیں وہ نوکریان اور گھر جس کا تحریک انساف نے عوام سے وعدہ کیا تھا؟۔پاکستان تحریک انصاف کی رہنما کنول شوزب نے کہا کہ مسلم لیگ(ن) اور پیپلز پارٹی آج پہلی دفعہ اکھٹے نہیں ہوئے، اس میں کوئی بڑی بات نہیں، یہ دونوں جماعتیں تو ہمیشہ سے اکھٹے ہی تھیں۔ان کا کہنا تھا کہ حکومت کو اپوزیشن کے اتحاد سے کسی قسم کا خطرہ نہیں ہے، اپوزیشن جماعتیں انتخابات سے پہلے ایک دوسرے کو برا بھلا کہتی ہیں اور انتخابات کے بعد اکھٹی ہو جاتی ہیں۔رہنما تحریک انصاف کا کہنا تھا کہ اپوزیشن ہماری حکومت پر بہت تنقید کرتی ہے لیکن انہیں اپنا کیا ہوا یاد اور نظر کیوں نہیں آتا؟۔ نجی ٹی وی کے پروگرام کے دوران پاکستان پیپلز پارٹی کی رہنما شازیہ مری اور تحریک انصاف کی رہنما کنول شوزب کے درمیاں تلخ جملوں کا تبادلہ ہوا۔