اسلام آباد (این این آئی) سپریم کورٹ نے آبپارہ کے علاقے میں سڑک پر تجاوزات ہٹانے سے متعلق کیس نمٹا دیا۔پیر کو سپریم کورٹ میں اسلام آباد کے علاقے آبپارہ میں حساس ادارے کی جانب سے سڑک پر رکاوٹیں اور تجاوزات کھڑی کئے جانے کیخلاف کیس کی سماعت ہوئی۔ڈپٹی اٹارنی جنرل نے عدالت میں پیش ہوکر بتایا کہ رکاوٹیں ہٹادی گئی ہیں اور سڑک کی ایک سائیڈ ٹریفک کیلئے کھول دی گئی ہے، دوسری سائیڈ بھی 28 فروری تک کھول دی جائیگی۔چیف جسٹس نے کہا کہ اب تو روڈ سی ڈی اے کو مل گیا ہے، سپریم کورٹ نے کیس کی سماعت کے بعد معاملہ نمٹادیا۔