لاہور( این این آئی ) وزیراعلی پنجاب سردار عثمان بزدار سے مسلم لیگ (ن)کے ڈپٹی میئر و سابق رکن پنجاب اسمبلی وسیم قادر نے ملاقات کر کے تحریک انصاف میں شمولیت کا ا علان کردیا ۔اس موقع پروسیم قادر کی جانب سے وزیراعظم عمران خان او روزیراعلی پنجاب سردار عثمان بزدار کی قیادت پر مکمل اعتماد کااظہار کیا گیا ۔وزیراعلی سردار عثمان بزدار نے وسیم قادر کی تحریک ا نصاف میں شمولیت کا خیر مقدم کرتے ہوئے کہا کہ وزیراعظم عمران خان کی عوام دوست پالیسیوں کے باعث تحریک ا نصاف مقبول ترین جماعت

بن چکی ہے۔آپ کی شمولیت سے تحریک ا نصاف لاہور میں مزید مضبوط جماعت بنے گی۔تحریک انصاف کی حکومت عوام کی ا پنی حکومت ہے۔انہوں نے کہا کہ عوام کے مسائل کو اپنے مسائل سمجھ کر حل کرتا ہوں۔ہم ایک ٹیم کے طو رپر صوبے کے عوام کی خدمت کر رہے ہیں۔خوشی ہے کہ آپ بھی عوامی خدمت کے سفر میں اس ٹیم میں شامل ہوئے ہیں۔وسیم قادر نے کہا کہ نئے پاکستان کی تعمیر وترقی میں آپ کے ساتھ ہوں اور رہوں گا۔تحریک ا نصاف کی قیادت پر مکمل اعتماد ہے۔تحریک انصاف کو لاہور میں مزید مضبوط بنائیں گے۔چیف وہیب پنجاب اسمبلی سید عباس علی شاہ اورترجمان وزیراعلی پنجاب ڈاکٹر شہباز گل بھی اس موقع پر موجود تھے۔