اسلام آباد(مانیٹرنگ ڈیسک)عوام پر ایک بار پھر بجلی بم گرا دیا گیا، بجلی کی قیمتوں میں اضافہ،نیپرا نے ٹیرف کا اطلاق کر دیا۔ تفصیلات کے مطابق نیپرا نے ایک بار پھر عوام پر بجلی بم گراتے ہوئے بجلی کی قیمت میں اضافہ کر دیا۔ بجلی کی قیمت میں یک روپے 27پیسے فی یونٹ اضافے کا فیصلہ کیا ہے تاہم ماہانہ 300یونٹس استعمال کرنےوالے صارفین متاثر نہیں ہوں گے ،

بجلی کی قیمت میں اضافے سے صارفین پر 130؍ ارب روپے کا سالانہ بوجھ پڑے گا۔ ترمیمی نیپرا ایکٹ کے تحت بجلی کی ترسیلاتی کمپنیوں (ڈسکوز)کے مستحکم اکائونٹس کی بنیاد پر کیا گیا ہے۔بجلی ٹیرف کا یہ اضافہ زیادہ بجلی استعمال کرنے والے گھریلو صارفین پر پڑے گا ، بڑے کمرشل ، بجلی اور کھاد کے شعبوں پر 20پیسہ فی یونٹ سے 2اعشاریہ60روپے فی یونٹ جس میںڈسکوز کے لحاظ سے فرق ہوگا ۔ٹیرف کے اضافے سے وہ صارفین متاثر نہیں ہوں گے جو ماہانہ تین سو یونٹس تک بجلی استعمال کریں گے۔البتہ جو صارفین بہ لحاظ وقت (ٹی او یو)میٹرز استعمال کررہے ہیں ، انہیں پیک آور ٹیرف کے تحت 20اعشاریہ78روپے کے تحت ادائیگی کرنا ہوگی اور کم پیک ٹیرف کے تحت 16اعشاریہ70روپے فی یونٹ کے حساب ادائیگی کرنا ہوگی۔تاہم، 146ارب روپے جو کہ خالص ہائڈل پروفٹ کی مد میں تھے اس کا بوجھ صارفین پر منتقل نہیں کیا گیا ہےکیوں کہ حکومت نے فیصلہ کیا ہے کہ وہ اس رقم کا بندوبست قرضوں کے ذریعے کرے گی ، جس کی ادائیگی واپڈا کو کی جائے گی تاکہ وہ صوبوں (خیبر پختونخوا اور پنجاب)کو ادائیگی کرسکے۔واضح رہے کہ گزشتہ روز وفاقی وزیر خزانہ اسد عمر نے سینیٹ کی قائمہ کمیٹی کو بریفنگ دیتے ہوئے کہا ہے کہ آئی ایم ایف کے پاس جانا افسوس ناک ہے، ان شاء اللہ یہ پاکستان کا آخری آئی ایم ایف پروگرام ہوگا،

عمران خان کا آئی ایم ایف کے پاس نہ جانے کا بیان 2014 کا ہے، وزیراعظم نے الیکشن سے پہلے ٹی وی شو میں کہا تھا کہ آئی ایم ایف کے پاس جانا پڑسکتا ہے۔ انہوں نے کہا اسٹاک مارکیٹمیں 5 ماہ کے دوران 5000 پوائنٹ کی کمی ہوئی، امریکا، بھارت اور چین سمیت دیگر اسٹاک مارکیٹس بھی گریں۔اسد عمر کا کہنا تھا سعودی عرب سے آئل فیسلیٹی جنوری سے شروع ہو جائے گی،

سعودی عرب سے اگلے 3 سال ماہانہ 27 کروڑ ڈالرز کا تیل ادھار ملے گا، پاکستان کو سعودی قرض پر3 اعشاریہ 18 فیصد سود ادا کرنا ہوگا،سعودی عرب سے تیل کی سہولت جنوری سے شروع ہوگی،اسد عمر نے کہا کہ ملکی معیشت پربحران گزشتہ ادوارمیں بھی آئے،2008 میں پیداواری صلاحیت انتہائی کم ہوئی،اسد عمر نے کہا کہ 2017-18 میں 19 ارب ڈالرکرنٹ اکاؤنٹ خسارہ رہا

،2017-18 میں برآمدات اورترسیلات زرمیں کمی ہوئی،خسارے پرقابو پانے کیلئے اقدامات کی ضرورت تھی،موجودہ حکومت نے فسکل اورمانیٹری پالیسی پرکام کیا۔وفاقی وزیر خزانہ نے کہا کہ دسمبر 2017 تاجولائی 2018 روپے کی قدرمیں تاریخی کمی ہوئی،8 ماہ کے دوران ڈالرکی قیمت میں 23 روپے اضافہ ہوا،کرنٹ اکاو¿نٹ خسارہ کم کر کے نصف کردیا۔

اسد عمر نے بتایا کہ سعودی عرب کےساتھ 3 ارب ڈالرکامعاہدہ طے پایا،سعودی مالیاتی پروگرام 3 اقساط میں موصول ہوناتھا،پاکستان سعودی عرب سے 2 اقساط وصول کرچکا،انہوںنے کہا کہ سعودی قرض پر 3.18 فیصدسوداداکرناہوگا،سعودی عرب نے دوسری سہولت ادھارتیل کی دی،سعودی عرب سے تیل کی سہولت جنوری سےشروع ہوگی،اسد عمر نے کہا کہ سعودی عرب سے ماہانہ 27 کروڑڈالرزکاتیل ادھارملے گا،سعودی عرب سے قرض کی مجموعی رقم 6 ارب ڈالرزہوگی۔ انہوں نے کہا متحدہ عرب امارات سے مذاکرات بھی آخری مراحل میں ہیں، یو اے ای سے چند دنوں میں معاملات طے پا جائیں گے۔

موضوعات:بجلی قیمت نیپرا