اسلام آباد( آن لائن ) صدر مملکت عارف علوی اچانک ایوان سٹاف کیفے ٹیریا میں ملازمین کے ساتھ کھانا کھانے پہنچ گئے۔ صدر مملکت کو اپنے درمیان دیکھ کر سٹاف نے خوشگوار حیرت کا اظہار کیا اور سیلفیاں بھی بنوائیں۔ میڈیا رپورٹس کے مطابق منگل کے روز صدر مملکت ڈاکٹر عارف علوی نے ایوان صدر سٹاف کو حیران کر دیا صدر مملکت عارف علوی نے ایوان صدر سٹاف کے لئے مخصوص کیفے ٹیریا میں لنچ کرنے پہنچ گئے۔ اور سٹاف کیفے ٹیریا میں بیٹھے ملازمین کے ساتھ کھانا کھایا صدر مملکت نے
ملازمین کے ساتھ بیٹھ کر کیفے ٹیریا میں روایتی کھانوں کا لطف اٹھایا۔ ایوان صدر کا سٹاف صدر مملکت کو اپنے درمیان کھاتے پیتے دیکھ کر خوشگوار حیرت میں مبتلا ہو گئے۔ ملازمین نے خوشی کا اظہار کرتے ہوئے صدر مملکت عارف علوی کے ساتھ سیلفیاں بنوائیں۔ صدر مملکت عارف علوی سٹاف کیفے ٹیریا میںآئے تو کئی دلچسپ مناظر بھی دیکھنے کو ملے۔ صد رمملکت نے خود قطار میں لگ کر کھانا لیا۔ اور تاریخ کو کچھ ایسے دہرایا کہ ایک ہی صف میں کھڑے ہو گئے محمود و ایاز ، نہ کوئی بندہ رہا نہ کوئی بندہ نواز
