لاہور ( این این آئی) مسلم لیگ (ن) کے رہنما و ڈپٹی میئر وسیم قادر نے مسلم لیگ (ن) چھوڑنے کا اعلان کرتے ہوئے کہا ہے کہ حمزہ شہباز نے کارکنوں کی بے عزتی کرنا اپنا شیوہ سمجھتاہے مگر میں اپنی عزت نفس مجروع نہیں کروا سکتا، مستقبل کسی نئی سیاسی جماعت سے شروع کروں گا۔انہوں نے نجی ٹی وی سے گفتگو کرتے ہوئے کہا کہ پارٹی کیلئے خدمت کی اور کبھی کوئی مراعات نہیں لی مگر عوام کی خدمت کرنے والے ایک کونسلرکو حمزہ شہباز نے ٹکٹ دینے سے انکار کیاتھا، بیرون ملک سے پاکستان پارٹی
کی محبت اور عوامی مسائل کے تدارک کیلئے آیا لیکن محنت رائیگاں گئی،حمزہ شہباز کے ساتھ تلخ کلامی کے باعث پارٹی چھوڑی ہے ۔انہوں نے کہا کہ مسلم لیگ (ن) میں حمزہ شہباز نے کارکنوں کی بے عزتی کرنااپنا شیوہ سمجھتاہے، حمزہ شہباز نے غصہ میں بوتل اٹھا کر ماری تو میں نے بھی بوتل اٹھا کر مار دی، حمزہ شہباز نے گالیاں نکالیں مگر میں عزت نفس مجروع نہیں کروا سکتا۔وسیم قادر نے کہا کہ نوازشریف سے عشق کرتا تھا اور ہمیشہ کرتا رہوں گا، مستقبل کسی نئی سیاسی جماعت سے شروع کروں گا۔
