اسلام آباد (نیوز ڈیسک) مری میں ایک شرمناک واقعہ، ایک خاتون کو چار آدمیوں نے سڑک پر لٹا کر سرعام مارا پیٹا، سوشل میڈیا پر ویڈیو وائرل ہے جس میں ایک شخص آفتاب سارے واقعے کے متعلق بتا رہا ہے، اس شخص نے بتایا کہ میں مری جی پی او کے سامنے کھڑا ہوں
اور یہاں ایک خاتون اپنی بچی کے ساتھ گھومنے پھرنے مری آئی ہوئی تھی، یہاں کے مقامی ایجنٹ نے ان سے نہ صرف بدتمیزی کی بلکہ ذومعنی جملے کسے اس کے بعد انہوں نے ان لوگوں کو بتایا کہ میری جگہ تمہاری ماں بہن بھی ہو سکتی ہے، اس وقت یہاں پوری دنیا تماشا دیکھ رہی تھی، چار بندوں نے مری جی پی او کے سامنے اس خاتون کو لٹا کر مارا، یہاں تمام لوگ کھڑے ہو تماشا دیکھتے رہے، اس شخص نے اپیل کرتے ہوئے کہا کہ چیف جسٹس صاحب، عمران خان صاحب میں اپنے تمام افسران بالا سے کہتا ہوں کہ یہ پولیس نے پرچہ کاٹا ہے کہ یہ جگہ مری کی حدود میں نہیں آتی، آپ راولپنڈی جا کر پرچہ درج کروائیں، یہاں اتنے مرد کھڑے ہو کر نہتی خاتون کو مار کھاتا ہوا دیکھ رہے ہیں، یہ کہاں جائے آپ انصاف دیں، مری میں بائیکاٹ مہم چلتی ہے تو آپ لوگ کہتے ہیں کہ یہاں لوگ ٹھیک ہیں، یہ خاتون اپنی بچی کے ساتھ یہاں گھومنے کے لیے آئی، اسے ان چاروں لوگوں نے تشدد کا نشانہ بنایا اور پولیس کے پاس گئے تو وہ کہتی ہے کہ یہ جگہ ہماری حدود میں نہیں ہے۔ اس شخص نے کہا کہ چیف جسٹس صاحب یہ آپ کی بہن ہے یہ آپ کی بھی بیٹی ہے، اگر یہ میری بہن اور بیٹی ہے تو خدا کی قسم اس مری میں کل آپ کی بھی بہن بیٹی محفوظ نہیں رہے گی، اس کا نوٹس لیا جائے۔
