لاہور (ا ین این آئی) احتساب عدالت نے 11ارب روپے کے ایم این ایم موٹر سائیکل فراڈ کیس میں ایک اور ملزم مظہر بٹ کو 14روزہ جسمانی ریمانڈ پر قومی احتساب بیورو ( نیب ) کے حوالے کر دیا ۔ احتساب عدالت کے جج نجم الحسن نے کیس کی سماعت کی ۔ نیب کی جانب سے ملزم مظہر بٹ کو پیش کر کے بتایا گیا کہ ملزم مظہر نے مرکزی ملزم احمد سیال کی معاونت سے عوام سے کروڑوں روپے کی لوٹ مار کی، راشد سمیت دیگرملزمان خطیر منافع کے

لالچ پر عوام سے رقوم بٹورتے رہے، ملزمان کی جانب سے نئے کسٹمرز سے وصول کردہ رقوم میں سے ہی رقوم پرانے کسٹمرز کو بطور منافع دی جاتی رہی، ملزمان نے عوام سے دھوکہ دہی اور منافع کا لالچ دیتے ہوئے لگ بھگ 11 ارب روپے لوٹے۔نیب کی جانب سے ملزم کے جسمانی ریمانڈ کی استدعا کی گئی ۔ جس پر احتساب عدالت نے ملزم مظہر بٹ کو 14 روزہ جسمانی ریمانڈ پر نیب کے حوالے کرتے ہوئے 7نومبر کو و دوبارہ پیش کرنے کا حکم دیا ہے ۔