اسلام آباد (مانیٹرنگ ڈیسک) ایک اعلیٰ سطحی اجلاس میں کویتی افسر کا بیگ غائب ہو گیا، ایک نجی ٹی وی چینل کی رپورٹ کے مطابق اقتصادی امور ڈویژن کے اجلاس میں شریک کویتی وفد میں شامل افسر کا بیگ اجلاس کے دوران ہی غائب ہو گیا، بیگ غائب ہونے پر حکام کی پریشانی میں دوڑیں لگ گئیں، رپورٹ کے مطابق جب کافی تلاش کے بعد بیگ نہ ملا تو سی سی ٹی وی کمرے کی مدد حاصل کی گئی، سی سی ٹی وی فوٹیج میں
ایسا انکشاف ہوا کہ وزیراعظم عمران خان بھی دیکھ کر مشتعل ہو جائیں گے۔ رپورٹ کے مطابق فوٹیج میں گریڈ 20 کے افسر ضرار حیدر بیگ کو غائب کرنے میں ملوث پایا گیا، اس موقع پر کویتی وفد سے وزارت اقتصادی امور نے اعلیٰ سطح پر معذرت کی اور بیسویں گریڈ کے اس افسر کے خلاف مقدمہ درج کرانے پر غور شروع کردیا گیا ہے، رپورٹ کے اس افسر کے خلاف تھانہ سیکرٹریٹ میں مقدمہ درج کروایا جائے گا۔
