لاہور(آئی این پی)سپیکر پنجاب اسمبلی چوہدری پرویز الٰہی نے (ن) لیگ کے پار لیمانی لیڈر حمزہ شہبا زشر یف کوایوان میں تقر یر کی مکمل آزادی دیدی ‘30منٹ سے زائد کے خطاب میں ایک بار بھی مداخلت نہ کی گئی ۔ تفصیلات کے مطابق اتوار کے روز پنجاب اسمبلی کے ایوان میں وزیر اعلی کے الیکشن کے بعد نو منتخب وزیر اعلیٰ پنجاب عثما ن بزدار نے صرف پانچ منٹ کی تقریر کی لیکن حمزہ شہبا زشر یف نے تیس منٹ سے زیادہ کا خطاب کیا
لیکن،سپیکر کی جانب سے حمزہ شہباز کے خطاب میں کسی قسم کی رکاوٹ نہیں ڈالی گئی بلکہ ان کو اپنی پہلی تقریر مکمل کرنے دی گئی۔ بر وقت اجلاس شروع نہ ہونے پر اور دیگر ایشوزپر پنجاب اسمبلی میں (ن) لیگ کا ایک بار پھر شدید احتجاج اور ہنگامہ آرائی نے ایوان کو مچھلی منڈی بنا دیا ‘(ن) لیگی اراکین اسمبلی سپیکر ڈائس کا گھیراؤ اور اپنی نشستوں پر کھڑے ہو کر وزیر اعظم عمران خان ‘وزیر اعلی پنجاب عثمان بزدار کے خلاف شدید نعرے لگاتے رہے جبکہ ایوان ’’ووٹ چور ‘قاتل اعلی نہ منظور ‘ڈاکوؤں ڈاکوؤں‘ سپیکر کو رہا کرو‘ شرم کرو حیا کرواوراور ووٹ کو عزت دو اور شیر ایک واری فیر کے نعروں سے گونجتا رہا ‘(ن) لیگ کی رکن اسمبلی اعظمیٰ زاہد اور ثانیہ عاشق مریم نواز کی تصویر والی شر ٹ پہن کر شریک ہوئیں ۔ تفصیلات کے مطابق اتوار کے روز پنجاب اسمبلی اجلاس وقت پر شروع نہ ہونے پر اپوزیشن کا ایوان میں ہنگامہ،اپوزیشن کی جانب سے ’’ سپیکر کو رہا کرو‘‘ اور ’’ شرم کرو حیا کرو‘‘ کے نعرے،وزیر اعلیٰ کے انتخاب کیلئے اجلاس کا وقت صبح گیارہ بجے کا مقرر کیا گیا تھا لیکن ایک گھنٹے سے زیادہ وقت گزرنے کے باوجود اجلاس شروع نہ ہو سکا تو اپوزیشن نے ایوان میں ہنگامہ کھڑا کر دیا اور سپیکر کیخلاف نعرے بازی شروع کرد ی۔نعرے بازی کے دس منٹ بعد سپیکر ایوان میں پہنچ گئے جبکہ دوسری طرف وزیرا علی پنجاب کے الیکشن کے موقعہ پر (ن) لیگ کے اراکین ایک بار پھر مبینہ دھاندلی
اور ہارسٹیڈ نگ کے خلاف شدید احتجاج کرتے رہے اور اسی دوران (ن) لیگ کے بعض اراکین نے اسپیکر چوہدری پرویز الٰہی کے ڈائس کا گھیراؤ بھی کر لیا اور ،عظمیٰ زاہد سپیکر کے ڈائس کے سامنے کھڑے ہو کر ’’قاتل قاتل‘‘ اور ’’ ڈاکو ڈاکو‘‘ کے نعرے لگاتی رہی جبکہ دیگر (ن) لیگ اراکین بھی ایوان میں ووٹ چور ‘قاتل اعلی نہ منظور ‘ڈاکوؤں ڈاکوؤں‘ سپیکر کو رہا کرو‘ شرم کرو حیا کروجیسے لگا کر حکومت کے خلاف اپنی نفرت کااظہار کرتے رہے ۔
