تہران (سی پی پی ) عمران خان کے وزیر اعظم منتخب اور حلف اٹھانے کے بعد ملکی و غیرملکی رہنماؤں کی جانب سے مبارکباد کے پیغامات کا سلسلہ جاری ہے۔نجی ٹی وی کے مطابق پاکستان کے وزیر اعظم منتخب ہونے پر ایرانی صدر حسن روحانی نے عمران خان کو مبارک باد کا پیغام دیتے ہوئے کہا کہ پاکستان کے وزیر اعظم عمران خان کاانتخاب بہادراورعزت مندپاکستانیوں کی امنگوں
کی علامت ہے،ایران پاکستانی عوام کودل کی گہرائیوں سے مبارکبادپیش کرتاہے۔عمران خان عالم اسلام کیلئے ایک امید ہیں ۔انہوں نے کہا کہ پاکستان اورایران کے دوستانہ تعلقات کومزید فروغ ملے گا،امیدہے عمران خان کے دوراقتدارمیں عالم اسلام کی وحدت میں اضافہ ہوگا،پاکستان کیساتھ تمام شعبوں میں تعاون بڑھانے کے خواہشمندہیں،پاکستان کے لئے تعاون کے تمام راستے کھلے ہیں۔
