کوئٹہ( آن لائن)بلوچستان اسمبلی کی نومنتخب خاتون رکن اسمبلی ڈاکٹر ربابہ خان نے 5سال کی تنخواہ عطیہ کرنے کا اعلان کر دیا۔ ان خیالات کا اظہار انہوں نے اسمبلی اجلاس کے دوران اظہار خیال کر تے ہوئے کیا۔ ڈاکٹر ربابہ نے تنخواہ ڈیم فنڈ، شہدا پولیس، شہدا پاک فوج اور عام شہدا

کے فنڈز کیلئے دینے کا اعلان کیا ۔ربابہ نے ارکان اسمبلی پر زور دیاکہ وہ صوبے کی ترقی و خوشحالی کے لیے ملکر کام کریں ڈاکٹر ربابہ بلوچستان عوامی پارٹی کی خواتین کی نشست پر منتخب ہوئی ہیں -ڈاکٹر ربابہ خان کے ا علان پر زیادہ تر ارکان اسمبلی نے انہیں خراج تحسین پیش کیا ۔