اسلام آباد (مانیٹرنگ ڈیسک) وزیراعظم عمران خان نے حلف برداری تقریب میں شریک ہونے والی 1992ء ورلڈ کپ کی پاکستان کی فاتح ٹیم سے ملاقات کی اس موقع پر بھارت سے آئے ہوئے سابق کرکٹر نوجوت سنگھ سدھو بھی موجود تھے،ایک نجی ٹی وی چینل کی رپورٹ کے مطابق اس ملاقات میں پاکستان میں کرکٹ کے ڈھانچے کی بہتری کے حوالے سے بات چیت ہوئی، اس موقع پر سابق بھارتی کرکٹر نوجوت سنگھ سدھو

نے وزیراعظم عمران خان سے سوال کیا کہ پاکستان کرکٹ بورڈ کا اگلا چیئرمین کون ہو گا، جس پر عمران خان نے آئی سی سی کے سابق صدر احسان مانی کی جانب دیکھ کر مسکرانا شروع کردیا، اس ملاقات میں سابق کرکٹر نے ریجن کی تعداد سولہ کرنے اور ری لیگشن سسٹم متعارف کرنے کا مشورہ بھی دیا، وزیراعظم عمران خان نے کہا کہ کرکٹ کے ڈھانچے کی بہتری میں ایک دو ماہ لگ جائیں گے۔