اسلام آباد( آئی این پی ) قومی اسمبلی میں ایم کیو ایم پاکستان کے سربراہ خالد مقبول صدیقی نے کہا ہے کہ انتخابات پر ہمارے تحفظات رہے ہیں ، عمران خان نے یقین دہانی کرائی کہ جس حلقے کو کھولنا چاہتے ہیں کھول لیں، گزشتہ 16سالوں میں جمہوریت نے آمریت کا راستہ روکا ہے لیکن آج کے حالات نے اندیشوں کو جنم دیا ہے ، یہ ذمہ داری کا وقت ہے۔جمعہ کو قومی اسمبلی میں اظہار خیا ل کر تے ہوئے ایم کیو ایم پاکستان کے رہنما خالد مقبول صدیقی نے کہا کہ میں
عمران خان کو مبارکباد دیتا ہوں ، یہ وقت فیصلے کی گھڑی ہے ۔انہوں نے کہا کہ گزشتہ 16سالوں میں جمہوریت نے آمریت کا راستہ روکا ہے لیکن آج کے حالات نے اندیشوں کو جنم دیا ہے ، یہ ذمہ داری کا وقت ہے ۔انہوں نے کہا کہ انتخابات پر ہمارے تحفظات رہے ہیں ، عمران خان نے یقین دہانی کرائی کہ جس حلقے کو کھولنا چاہتے ہیں کھول لیں ۔انہوں نے کہا کہ مردم شماری میں ہمیں کم گنا گیا ہے ، عمران خان کی تبدیلی کا وعدہ ارادے میں تبدیل ہوجانا چاہیے ۔
